Errepresioaren Hotsa RewindTheCity enpresaren proiektu original bat da, Mario Onaindia Fundazioarentzat egindakoa.
Jolasak geolokalizatutako teknologia mugikorren kultura eta hezkuntza ahalmena erakustea izango du helburu, artxiboko materialarekin eta joko dinamikekin konbinatuta; alde batetik, gure oraintsuko iragana ezagutzeko, eta bestetik, belaunaldi berriak demokrazian eta bizikidetzan oinarritutako balioetan hez daitezen.
Aris plataforma erabiltzen du, Madisoneko Unibertsitateak sortutako app mugikor bat, kode irekikoa. Aris plataforma bereziki pentsatuta dago hezkuntza jolasak eta esperientziak sortzeko, geruza moduan, pertsonaia birtualak eta ikus-entzunezko elementuak kokatuta narratiba geolokalizatu eta interaktibo batean.
Dagoeneko hiru kapitulu egin dira –proiektatutako historiaren laurdena, gutxi gorabehera–, partzialki finantzatuak Eusko Jaurlaritzaren ekarpenaz (Memoria Historikoa Berreskuratzeko Proiektuak Egiteko diru-laguntzak, 2014-2016) eta Bilboko Udalaren “Oroimen Historikoa” laguntzen bitartez (2015).
Gaur egun proiektua proba fasean dago –helduak eta ikasleak ari dira probatzen–, aurrez ezarritako helburuekin bat datorren ikusi eta adin tarte bakoitzarentzat duen erabilgarritasuna eta egokiera neurtzeko. Asmoa proiektua burutzea da, eta hezkuntza programetan eta aisia jardueretan izan dezakeen erabilera zehaztea.